google.com, pub-1214054292722785, DIRECT, f08c47fec0942fa0

Way Wérédi yi

way wérédi yi - Saliou HANE LAYE
00:00 / 00:00

1) Damaa gennë bis yëmbël di dox roomba benna dof

Mu took cip ruxxam, jël ay yoxoom fasko ciy waggam

 

2) Te leek leek mu ree, leek leek mu jooy, rafle waanko wër

Mu ngay lox kerook daa sedd, booleek taruk lëndëm 

 

3) Werul, waaye teewul nak, mu dis gor nde tallalul

Loxoom kenna, tooñul it, ña toogoon ci ak wetam  

 

4) Yaram waa nga sooñoo sooñu, duk dalla duk basañg

Te leeleek mu taw ndaysan, Ba taa suuxalap ëmbëm

 

5 ) Bu xiifee poubelle lay dem, amul nday jukay tibbël

Fanuy këppi dess lay dem, falay fekka aw ñamam 

 

6)Teyit manla wax, day mujju dem lekka ñam wu bon

Gu am ñaari fan goo xamni, baaxul ci ak werëm 

 

7) Namuy def, gisul Yaayam, té nak amna ñetti at

Yu mat sanguwul, lum sol, dakoy for ci ay sënëm 

 

8) Bu jaay katbi sannee maango, baa sax Orange bu nëp 

Mu daw këfko, noonee sax lakoy lekke cik taxam

 

9) Ngelaw saxxi, nit daw tabbi neegëm ne rapp tëc

Mudes kay tenaa yel, banta yay dal ci ay gëtëm 

 

10) Te ndaysan, bu roombew dalla, baa pot, walaw sagar

Dakoy tek lu rëy, mootax mukoy boole cip ëmbëm

 

11)Dafay waxatu fum nekk; té leeleek mu mer di xun

Te kat amna nday, am Baay, ba am rakka, am magam

 

12)Bamuy wer la bokkak ñep, bes xëy ñu daalko ber 

Awaay werëdee tax, wayé, as gor la woon su gëm

 

13)Rakkam donnanap neegëm, jabar jaa ngi sëy faneen 

Te doom Sam amoon, boobee batay xoolukoy gëtëm 

 

14)Juroom ñaari dof, lan roomba Tamba ñu reendileen

Ba jël seeni awraak seeeni yuur liika daw yaram

 

15)Danoo butte ñee, xar noppi ñee, ñee ñu sannileen

Ci ay kër yu ken yeggul, banuy xeeñ ñu doora xam

 

16)Gisël ñaata yoon, lap dof mdi xëy dee ci ap tabax 

Bu yeggul, ba am ay fan, bafay xeeñ té ken du xam

 

17)Gisël benn dof bée faatu, leeleek ci benna xur

Bafay xeeñ, té ap xiif rek, moo saank ak dundëm

 

18)Gisël ñaata yoon lap dof, di xëy lekk ñam wu bon

ba feebar ca ay at, kén du juk saytu ay mbirëm

 

19)Gisël ñaata lan fekka, ap dof mu xëy wësin

te ken manla laaxaan ken, kén foogulap ëmbëm

 

20) Gisël ñaata dof, ngay fekk, dus woddu baa tubëy

Daniy raflé noonee rek di dém ñeppë gis pëyam

 

21) Gisël ñaata dof ngay fekk, dun jekki dun nélaw 

Daniy dox ba dee, doo gis kunaa xamna bammelam

 

22) Te gisnaa fi bis ap dof, bu am benna gööm bu rëy 

Mu ngay wokkatoo kay waxtu, ken saytuwul werëm

 

23) Liree rekk tax may woo état beek ku YALLA ñor 

ñu booloo taxaw, tey saytu njaay YALLA yiinu am

 

24) Obama bamiy ñëw fii, danoo japp dof yi tëc

Ginaaw bam demee, lan leen boyal, ñepp gennë dem 

 

25) Wowoo wowwo lööy yen guurnement Reew mi walluleen

Away wallu leen as gor, su xëy ñakka am xelam

 

26)  Té gis ngeen fi, ay dof yeen, kuleen fac ñu daaal di wer

Té xam ngeen ni mbooleem dof yi, koo teyye dootu dem 

 

27) Te dof boo fi gis muy dem, këruk nit la bayyikoo

ku wer dellu ciy mbokkam, xarit xél dafay xalam

 

28 ) Wutël nanfi fas, ak nak, vétérinaire yuleen di fac

Lu tee woon ñu sakkal dof, fanuy seete ak werëm 

 

29) Te gisnaa ku fac mbaamam, té Gisnaa ku fac fasam 

Fajup njaamba jööbëm, fac goloom sax, fajup xajam

 

30) Te taxtul mu fac mbokkam, mu xëy ñakk am xelam 

Ku fac mbaam, ba fac xac, bayyi Nit andulak xelam

 

31) Ci lii sax ci laay fas ñaaxe, askan wi may waxal

Ñu daw leppë luy tax, nit di xëy ńakk am xelam

 

32) Xelay ganjaruk nit, xél la nit am ba not mbëfër

Xelay tax, xalep naar not, gëleem bay xëccup Nosam

 

33) Xelay tax ñu wullip naaga, yor Xacc, tay dañal

Té xam  ngeen, du maasuk nit ci dooleem, akum rëyëm 

 

34) Xelay tax, ba l'islam Tek nu jëf, Waa ju ñakk xél

Mamadou Dia du am yiw, té doootul yilif kërëm 

 

35)Xelay tax nga xammee mbaax, xelay tax nga daw lu bon

xelay Tax ba Nitxam lëf ci Buur YALLA ak Mbirëm

 

36) Xelay ndap, la xam xam tabbi, ngir waaju ñakk xél

Du xam lëf, du am lëf, waaju am xél xamiy yefëm 

 

38) Xelay leer ci nit, xëy tedda mootax Ba Aadamu

di sangup Maalakak Jinne, ibliisu ñakk ndam

 

39) Xelay tax Ba nit rekkay sangup suuf, lu weesu nit

walaay loofi gis ngir nit la, ngir moo yoram xelam

 

 

 

43) Ma wax yenna Mbir yiy tax ba Sun ndawñi xëy di dof 

ñilee rapla, Ñii ay raapla, raap yaxxanay ndawam

 

44)Dofup raap dafay wuuteek, dofup rap ci yeena Mbir

Nanuy maytu yaambaa, daw drogue bayyi am tuxëm 

 

45) dofak iilu, ak book siisu,  ñoo mit dinaa ci ñëw 

damay njëkk way kii, sangaray yaxxa ak dundëm 

 

46) Balén foowè dulian,  day rayum xél, di yaxxa xol  

Lu ray xol, di yaaxam xél, kukoy def, du nit nga xam

 

47)Te alcool alak naw gaay, kukoy Naan de dootu wer

Lu waay xam xelam rek jaayko, ngir jëndekook werëm 

 

48)Layis rek di yaxxal nit ci xol, ak ci ay xëtër 

Ñi xam neeñu day dem sax, ba yaxxal ko ak dundëm

 

49)Te dee diis kukoy Naan, manna dee, dee gu tiis té tar 

nde luy fëxxë bët, moo gën, ci nit luy fëxxap xolam

 

50) Gisël Waa ji Naan sungum ni xëndëng ci geddi bëy 

nelaw bay xarang sung soofna lool, xelyi lay Guesëm 

 

51) Amoonna ku man ndim sëng, far tër di yag yagal 

ñu koy taccu muy taasooka saagaa ci ay dëkëm 

 

52) Te amna ku naan mbiic daanu ban sacc lam yoroon

te moy lim bu rëy booo xamni,  moo yor dundëk kërëm 

 

53) Amoonna ku naan saampaañ, di xeexoo ñu farko ray

sulaar yaako jam ay paaka, ndaw dee gu ñakka jom 

 

54) Kunaan roos,  Du rus nit, dootu rus YALLA, dootu rus

njabootam nde manna sax sëyee yaayamak rakkam 

 

55)Music yeek flag day yaxxa am xel baleen drogue

Coca gëm cocaayin fop,  cim am xel akup yaram

 

56)Te gisnaa Ku Naan am njolla ,daa maandi bay tërëf

xaleel Yaako sottim ndax, mufar yaxxa ay sërëm 

 

57) Te sax amna dof yooxamni ay wirda lan yoroon 

ba rawxaan ya doflooleen, ñu far toppa ay xërëm

 

58)Gisël bènna waay jee wird ap diir mu summi ay 

Bubaam summi caayaam gennë, neegëm di dox di dem

 

59)Te kat banko laajee, neena suuf seeko antanul 

ma laac waaji kon, jan suuf ladoon  sampa ay ndëgoom

 

60 ) Te talsam yi ak rawxaan yi, lin sanka ciy xaleel

Drogue mantukoo jot fawwu,  dof gi du neexa xam 

 

61) Tey say jekka taxnak cam,  di siisooko say badof

ku rus ap dofam day metti,  ngir yombulak fajam

 

62)Gisël jenna waajiy yuuxu tey daw di wër tenaa

Dafay baña doon ap xutbu , kii seenunaak ndofam 

 

63) Té am raxasun sax sax xarit waxma lunsi xam

Lu dul ndof, jëlël aw tur wu leer bayyi talsamam

 

64)Te Tas Tasna waay, bam yuuxu, xaccit mu tas kërëm 

Té tas Mbiremak soxnaam, ñu naa deet mu tas xelam

 

65)Kitil ak katal ak magg jal jal kukoy sikar 

bu teewloo waroon naa ree, Dafay baat yu am xorom

 

66) Te am nasabin,ak xantariisun kouleen bawul 

Dafay mujju rek, fop ay mbubëm daanu ciy sënëm 

 

67)Jaxaay yaayu dajdahtiilu,  dofloona ay kureel

jalaal jalna fiy bammeel, té dofloo ñu am xorom 

 

68)Gisël waaji tëj neegëm ba ap diir mu mbëkk daw

te naa maani "Aljabbaaru" maatay ci ap ëttëm 

 

69)Ku woo Ummu Mussak yaayu jalxay ci ay Kurus

Mawooman ka bindoon, yaayi Mussa té yor Mbirëm

 

70)Kufiy woo 'afaaritun minal jinni,  manma Woo 

Ka bindoon 'afaaritun té yor leppi wërsëgëm 

 

71) dalal nak té Tey, sooy sakku Mbir, ndax ku wattuwul 

xerëk ëppëlak yakkamti Looy sakku dooko am

72) Faral noppi Saliou, wax bu niiwee té am njariñ

dafay doy,  Salaatun Yalna dal Taaha ak ñoñam

Radio Almahdiyou

Mentions légales Copyright ALL RIGHTS RESERVED © 2017 Groupe Almahdiyou.org

  • Facebook Social Icon
  • Twitter Clean
  • w-googleplus
  • YouTube Social  Icon